Patiṟṟup pattu

((Originally extracted from master file ^PATIRRU.OCP))
((Last updated on 2004 April 14th))

• {PATI 62-1} iḻai aṇintu eḻutarum pal kaḷiṟṟu toḻutiyoṭu
• {PATI 62-2} maḻai eṉa maruḷum mā irum pal tōl
• {PATI 62-3} eḵku paṭai aṟutta koy cuval puraviyoṭu
• {PATI 62-4} maintu uṭai ār eyil puṭai paṭa vaḷaii
• {PATI 62-5} vantu puṟattu iṟukkum pacum picir oḷ aḻal
• {PATI 62-6} ñāyiṟu palkiya māyamoṭu cuṭar tikaḻpu
• {PATI 62-7} ollā mayaloṭu pāṭu imiḻpu uḻitarum
• {PATI 62-8} maṭaṅkal vaṇṇam koṇṭa kaṭum tiṟal
• {PATI 62-9} tuppu tuṟaipōkiya koṟṟa vēntu ē
• {PATI 62-10} puṉal poru kiṭaṅkiṉ varai pōl iñci
• {PATI 62-11} aṇaṅku uṭai taṭa kaiyar tōṭṭi ceppi
• {PATI 62-12} paṇintu tiṟai tarupa niṉ pakaivar āyiṉ
• {PATI 62-13} pul uṭai viyaṉ pulam pal ā parappi
• {PATI 62-14} vaḷaṉ uṭai ceṟuviṉ viḷaintavai utirnta
• {PATI 62-15} kaḷaṉ aṟu kuppai kāñci cērtti
• {PATI 62-16} ariyal ārkai vaṉ kai viṉainar
• {PATI 62-17} aruvi āmpal malainta ceṉṉiyar
• {PATI 62-18} āṭu ciṟai vari vaṇṭu ōppum
• {PATI 62-19} pāṭal cāṉṟa avar akal talai nāṭu ē